ማማ በሰማይ የፍቆር ታሪክ ነው፡፡ የአብዮትም፣ የተስፋም፣የሕልምም፣የአመፅም፣የሽብርም፣የመተማመንም፣ የመከዳዳትም፣ የሰቆቃም፣ የሰቀቀንም፣ ራስን በራስ የመለወጥም፣የድል አድራጊነትም የነዚህ ሁሉ ሰብአዊ ረቂቅ ባሕሪያት ታሪክ ነው። መጽሐፋ፣ ደም የጠማው ወታደራዊ ጁንታ ባቀጣጠለው ታይቶ የማይታወቅ የጅምላ ጭፍጨፋ ሃገሪቱ በሞላ በተወረረችበት፣ተሰምቶ የማይታወቅ ቁጥር ያለው ሕዝብ-በተለይ ወጣቱ እንደቅጠል የረገፈበት የኢትዮጵያ ታሪክ አንድ ወቅት ቅልብጭ ያለ ሥዕል አንዱ በሆነው ላይ በመነሣትና በቁርጠኝነት በመጋፈጥ ለእኩልነት፣ለነፃነት፣ ለማኅበራዊ ፍትሕና ለሰብዓዊ ክብር የታገሉ በሺዎች የሚቆጠሩ ወጣቶች ታሪክ ነው፡፡