ደራሲ እንዳለጌታ ከበደ ስለ ምንትዋብ የተሰጠ አድናቆት፦

”ምንትዋብ” ከዚህ ቀደም ሕይወት ተፈራ ከጻፈቻቸው መጻሕፍት እጅጉን የተለየ ታሪካዊ ልቦለድ ነው። ይዛ የተነሳቻት ባለታሪክም፣ታሪኩ ያጠነጠነበት ዘመንም፣ለኢትዮጵያ ሥነ-ጽሑፍ ድንግል ነው። ሳይነካ ቆይቷል።የሕይወት ብዕር ፣በእቴጌ ምንትዋብ አማካኝነት፣በፈጠራ ሥራወቻችን ውስጥ ችላ ተብሎ፣ወይም ተዘግቶ የነበረውን ዘመን ከፍቶና ገርስሶ፣ቋንቋን፣ውበትን፣ጥበብን፣ፍልስፍናን እና እንደ ፎክሎር ያሉ ዕንቁወቻችን አስቆጠረን።

እደግመዋለሁ፣የመካከለኛው ዘመን የታሪክ መጋረጃም በዚህ ልክ በሥነ-ጽሑፋችን ተገልጦ አያውቅም፣ንግስቶቻችንም በዚህ ልቦለድ ልክ፣እንደ ሰው በፍቅር ሲፈተኑ፣በጥበብ ረሀብ ሲናውዙ፣እንደ ሀገር መሪ ህያው ሐውልት ለማኖር ሲኳትኑ፣ሰላምን ለማዝነብ ሲባዝኑ ታይተው አያውቁም።

የቀደምት ሠዓሊዎቻችንን ሕይወት እና ፍልስፍና ምን ይመስል እንደነበረም በዚህ ልክ ፈትቶ ያቀረበልን ድርሰት ማግኘትም አስቸጋሪ ነው።

ደራሲዋ ትናንትናችንን ከዛሬያችን ጋር ያስተሳሰረችበት ክር ደግሞ ከምንም በላይ አበጀሽ የሚያሰኝ ነው!!! መልካም ንባብ።