ስታነብ ፥ የምታውቀው ህይወትን ነው።

ማንበብ አዕምሮን ይገነባል። በአዕምሮ ውስጥ ቋንቋን – የግንዛቤ(cognitive) እድገትን – ማህበራዊ እና emotional እድገትን . . . የሚያበረታቱ ግንኙነቶችን ይፈጥራል። ማንበብ መሠረትን ይገነባል። በምታምነው እንድትጠነክር – የምታምነውን ብዙ እያወከው እንድትሄድ ያደርጋል። ስታነብ ብዙ የምታውቀው እንዳለ እያሰብኽ ትሄዳለህ። አንባቢ ከሆንኽ ደግሞ የማታውቀውን ለማወቅ እየጣርኽ – ሁሉን እየፈተሽኽ ትመጣለህ። “እያወቅኽ ትሄዳለህ” ሲባል ግን የተለየ ነገር አይደለም ምታውቀው። የተለየ ፍልስፍና አይደለም ምታውቀው። ስታነብ ፥ የምታውቀው ህይወትን ነው። የምታውቀው የማታውቃቸውን ሌሎች ሰዎችን ፤የምታውቀው ሌሎች አዳዲስ ባህርያትን ነው። የምታውቀው ጥንካሬ ምን እንደሆነ – ፅናት ምን እንደሆነ -ማፍቀር ምን እንደሆነ – ሽንፈት ምን እንደሆነ – ጥላቻ ምን እንደሆነ – ራስ ወዳድነት ምን እንደሆነ . . . ነው ምታውቀው። የምታውቀው የማታውቀውን ነገር ነው። የምታውቀው ውስጥህ ተቀምጦ ያላስተዋልኸውን/ያላወቅኸውን ነው። አዋቂ ውስጡ ላይ ያለውን የሚያውቅ ነው። ማወቅ ደግሞ ወደ ውስጥ ያለውን ማስተዋል ነው። ማንበብ ደግሞ ውስጥ ላይ ያለውን ነገር ማወቂያ መንገድ ነው። አነባብን ማወቅ ደግሞ ትክክለኛለው መንገድ ነው።