ጎጃም የተወለደው ፍቅረማርቆስ በመምህርነት ወደ ሃመር ሄዶ በሃመሮች ባህልና ቱፊት ተማርኮ በባህሉም መሰረት የብሄረሰቡ አባል ሆኖ:ከሀመሮች ተጎራብቶ ማስተማሩን ተያያዘው፡፡የሚንጊን ገዳይ ባህላዊ ስርዓት ፣የኢባጋንዲን ጭፈራ፣የሀመሮችን ጋብቻ ……..ከቡስካ ተራራ በስተጀርባ ሁኖ ተመለከተው፡፡ተደመመበትም፡፡
ከምልከታው ፣መንገደኛ እግሩን እያመሰገነ “ከቡስካው በስተጀርባ [ድንግል ውበት]”የሚል የማንነት ተኮር (ethnographic fiction ) ዘውግ ያለው ልቦለድ አሳተመ፡፡በኬሚስትሪው መምህር የተፃፈው ልብወለድ በኢትዮጲያ ስነ ፁሁፍ ውስጥ አዲስ ምዕራፍ ከፍቶ ለሽልማት ታጨ፡፡ወደ እንግሊዘኛም ተተረጎመ፡፡ከዚህን ጊዜ ጀምሮ ደራሲ ፍቅረ ማርቆስ ደስታ እና ሀመሮች በአደባባይ ተነባብረው መጠራት ጀመሩ፡